மீந்து போன இடியாப்பத்தை வைத்து “சிக்கன் கொத்து இடியாப்பம்” – செஞ்சு பாருங்க!!

எப்பவும் ஒரே மாதிரி தான் டிபன் சாப்பிட வேண்டுமா என்ன?? புதுசா வித்தியாசமான ரெசிபி ட்ரை பண்ணி பாக்க போறோம் இன்னைக்கு. அந்த ரெசிபி “சிக்கன் கொத்து இடியாப்பம்” இதோ..

தேவையான பொருட்கள்:

• இடியாப்பம் – 2
• சிக்கன் துண்டுகள் – 100 கிராம்
• சிக்கன் கிரேவி – 1/4 கப்
• வெங்காயம் – 1
• தக்காளி – 1
• முட்டை – 2
• பச்சை மிளகாய் – 1
• மஞ்சள் தூள் – 1 ஸ்பூன்
• மிளகாய் தூள் – 1 ஸ்பூன்
• கொத்தமல்லி தழை – கொஞ்சமாக
• எண்ணெய் – தேவையான அளவு
• உப்பு – தேவையான அளவு

செய்முறை:

• முதலில் ஒரு சட்டியில் எண்ணெய் ஊற்றி, காய வைக்கவும்.
• பின் அதில் வெங்காயத்தை போட்டு நன்றாக வதக்கவும், வதங்கியதும் தக்காளியை போட்டு நன்றாக வதக்கவும். இதில் பச்சை மிளகாய் மஞ்சள் தூள், மிளகாய் துள்ள போட்டு நன்றாக கிளறவும்.
• இது நன்றாக வதங்கியதும், முட்டையை சேர்த்து கிளறவும்.
• இந்த கலவை வதங்கியதும், அதில் சிக்கன் துண்டுகளை போட்டு, அதில் சிக்கன் கிராவியையும் ஊற்றி கிளறவும்.(சிக்கன் துண்டுகள் சிறிதாக இருப்பது சிறப்பு)
• இது கொஞ்சம் வதங்கியதும், இடியாப்பத்தை உதுத்து இந்த கலவையில் சேர்க்கவும். நன்றாக மசாலா படும்படி கிண்ட வேண்டும்.
  ஈஸியான மற்றும் சுவையான “சிக்கன் கொத்து இடியாப்பம்” ரெடி!!