குழந்தைகளுக்கு நல்ல சத்தான ஸ்னாக்ஸ் கொடுக்கணுமா அப்போ “பிரட் பீஸ்ஸா” செஞ்சு அசத்துங்க..அதற்கு தேவையான பொருட்களும் குறைவு தான், நேரமும் குறைவு தான்.. சூப்பரான ரெசிபி இதோ..
தேவையான பொருட்கள்:
- பிரட் – 4
- மோஸ்ரெல்லா சீஸ் – 100 கிராம்
- குடைமிளகாய் – 1 பொடியாக நறுக்கியது ( உங்களுக்கு பிடித்த வேறு வேறு கலர்களில் எடுத்து கொள்ளுங்கள்)
- சோள விதைகள் – கொஞ்சமாக
- ஆலிவ் விதைகள் – கொஞ்சமாக
- வெண்ணை – தேவையான அளவு
- இத்தாலியன் சீசனிங் – (பிடித்தால் சேர்த்துக்கொள்ளலாம்)
- பீஸ்ஸா சாஸ் – தேவையான அளவு
செய்முறை:
- பிரட் துண்டுகளில் உள்ள ஓரங்களை நறுக்கி விடுங்கள்.
- பிரட் துண்டுகளை உங்களுக்கு பிடித்த வடிவங்களில் கூட வெட்டி கொள்ளலாம்.
- முதலில், சாஸ் ப்ரெட்டில் நன்றாக தடவுங்கள், அதற்கு மேல் குடைமிளகாய், ஒலிவ் விதைகள், சோள விதைகள் வையுங்கள்.
- அதன் பின் உங்களுக்கு எவ்வளவு சீஸ் வேணுமோ அதனை அதன் மேல் போட்டு கொள்ளுங்கள்.
- ஒரு pan எடுத்து அடுப்பில் வையுங்கள் சூடு ஆனதும் வெண்ணை இட்டு அதில் நாம் தயாரித்து வைத்த பிரட் துண்டுகளை வைத்து ஒரு மூடி போட்டு மூடிக்கொள்ளுங்கள்.
- சீஸ் நன்றாக உருகும் வரை வைத்து விட்டு எடுத்து விடுங்கள்.
சூப்பரான “பிரட் பீஸ்ஸா” ரெடி!!