இந்திய திரையுலகில் 1980 களில் தொடங்கி இன்று வரை கொடிகட்டி பறக்கும் நடிகை ரம்யா கிருஷ்ணன். வயது அதிகரித்தாலும் இன்றைய இளம் நடிகைகளுக்கு ஈடாக சம்பளம் பெறுகிறார். அந்த அளவிற்கு சினிமாவில் தனக்கென தனி இடத்தை அவர் பிடித்துள்ளார். இன்று தனது 50வது பிறந்தநாளை கொண்டாடும் அவருக்கு வாழ்த்துக்கள் குவிந்து வருகின்றன.
ரம்யா கிருஷ்ணன்:
15வது வயதிலேயே சினிமாவில் காலடி எடுத்து வைத்த ரம்யா கிருஷ்ணன், 30 ஆண்டுகளாக திரைத்துறையில் நீடித்து வருகிறார். அவர் அளவிற்கு எந்த ஒரு நடிகையும் இவ்வளவு நீண்ட தூரம் சினிமாவில் பயணித்ததில்லை. தமிழ், தெலுங்கு, மலையாளம், ஹிந்தி, கன்னடம் என 5 மொழிகளிலும் வெற்றி படங்களை கொடுத்த நடிகைகளில் மிக முக்கியமானவர் ரம்யா கிருஷ்ணன்.
ENEWZ – சமூக வலைதள பக்கங்களில் சேர கிளிக் பண்ணுங்க!!
மேலும் தமிழில் ரஜினிகாந்த், கமலஹாசன், விஜயகாந்த், சரத்குமார், பிரபு, சத்யராஜ், கார்த்திக், அர்ஜூன், மோகன், சுரேஷ், தெலுங்கில் என். டி. ராமராவ், சிரஞ்சீவி, நாகார்ஜூனா, வெங்கடேஷ், மலையாளத்தில் மம்முட்டி, மோகன்லால், ஜெயராம், கன்னடத்தில் விஷ்ணுவர்தன், ரவிச்சந்திரன், உபேந்திரா, ஹிந்தியில் அமிதாப் பச்சன், வினோட் குமார், ஷாருக் கான், சஞ்சய் தத், அனில் கபூர், கோவிந்தா என அனைத்து முன்னணி கதாநாயர்களுடனும் ஜோடியாக நடித்து புகழ் பெற்றவர் ரம்யா கிருஷ்ணன்.
இளம் நடிகர்களான சிம்பு, ஷாம் ஆகியோருடன் குத்தாட்டம் போட்டு பரபரப்பை ஏற்படுத்தியவர். கவர்ச்சிக் கதாநாயகியாகவும், அபார நடிப்பை வெளிப்படுத்திவதிலும் கைதேர்ந்த ரம்யா கிருஷ்ணன், கதாநாயகர்களுக்கே ஈடான பாத்திரங்களில் அசால்ட் ஆக நடித்தவர். சூப்பர் ஸ்டார் ரஜினிகாந்த் உடன் படையப்பாவில் ‘நீலாம்பரியாக’ அதிரடி காட்டியதே அதற்கு சிறந்த உதாரணம். சின்னத்திரையிலும் தனது திறமையை நிரூபித்த ரம்யா கிருஷ்ணன், சில சீரியல்களிலும் நடித்துள்ளார்.
கொரோனா பாதிப்பால் பிரபல நடிகர் உயிரிழப்பு – அதிர்ச்சியில் திரையுலகம்!!
மிகப்பெரிய வெற்றிப்படமான பாகுபலியில் ராஜமாதாவாக நடித்ததன் மூலம் அவரது புகழ் உச்சத்திற்கே சென்றது. இன்று (செப் 15) 50வது பிறந்தநாளை கொண்டாடும் ரம்யா கிருஷ்ணனுக்கு வாழ்த்துக்கள் குவிந்த வண்ணம் உள்ளது. மேலும் உங்களுக்கு வயசே ஆகல, 90s கிட்ஸ் கனவுக்கன்னி என ரசிகர்கள் புகழ்ந்து வருகின்றனர்.