இந்த வார சண்டே வித்தியாசமாக காளானை வைத்து ”தாபா ஸ்டைல் காளான் கிரேவி” செய்வது எப்படி என்று பார்க்கலாம் வாங்க.
தேவையான பொருட்கள்
- காளான் – 1/2 கிலோ
- மிளகாய் தூள் – 2 டீஸ்பூன்
- மஞ்சள் தூள் – 1 டீஸ்பூன்
- மல்லி தூள் – 2 டீஸ்பூன்
- இஞ்சி பூண்டு பேஸ்ட் – 2 டீஸ்பூன்
- கொத்தமல்லி இலைகள் – சிறிதளவு
- பச்சை மிளகாய் – 2
- வெங்காயம் – 3
- தக்காளி – 2
- முந்திரி – 50 கிராம்
- பட்டை, கிராம்பு, ஏலக்காய் – சிறிதளவு
- கரம் மசாலா – 1/2 டீஸ்பூன்
- எண்ணெய் – 3 டீஸ்பூன்
- உப்பு – தேவையான அளவு
டெலிக்ராம்: Enewz Tamil டெலிக்ராம்
செய்முறை விளக்கம்:
தாபா ஸ்டைல் காளான் கிரேவி செய்வதற்கு கடாயை அடுப்பில் வைத்து 3 டீஸ்பூன் எண்ணெய் ஊற்றவும். பின் அதில் பட்டை, கிராம்பு, ஏலக்காய் போட்டு அத்துடன் 2 பச்சை மிளகாய்களை நறுக்கி சேர்த்துக் கொள்ளவும். அதன் பிறகு நறுக்கி வைத்துள்ள வெங்காயம், இஞ்சி பூண்டு பேஸ்ட் சேர்த்து நன்றாக பச்சை வாசம் போகும் வரை வதக்கவும் .
அதோடு 1 டீஸ்பூன் மஞ்சள், 1 டீஸ்பூன் மிளகாய் தூள், 2 டீஸ்பூன் மல்லி தூள் சேர்த்து, இத்துடன் நாம் கழுவி நறுக்கி வைத்துள்ள காளானையும் சேர்த்து நன்றாக வதக்கவும். இப்பொழுது 2 தக்காளி, மற்றும் ஊற வைத்த முந்திரி பருப்பை மிக்ஸியில் அரைத்து காளான் கிரேவியில் சேர்த்து நன்றாக கொதிக்க விடவும். அதன் பிறகு கொத்தமல்லி இலைகளை கிரேவியில் சேர்த்து அடுப்பை ஆப் செய்யவும். இப்பொழுது நமக்கு சுவையான தாபா ஸ்டைல் காளான் கிரேவி கிடைக்கும்.
