இந்தியாவில் கொரோனா வைரஸ் பரவலைத் தடுக்க பல்வேறு முன்னெச்சரிக்கை நடவடிக்கைகள் எடுக்கப்பட்டு வருகின்றன. மேலும் ஏப்ரல் 14ம் தேதி வரை ஊரடங்கு உத்தரவு பிறப்பிக்கப்பட்டு உள்ளதால் மக்கள் கஷ்டப்படக்கூடாது என்பதற்காக 3 மாதங்களுக்கு EMI எனப்படும் தவணைத்தொகை வசூலிப்பது ஒத்திவைக்கப்பட வேண்டும் என ரிசர்வ் வங்கி அறிவித்துள்ளது.
என்னென்ன கடன்கள்..!
ரிசர்வ் வங்கி அறிவித்த இந்த 3 மாதகால கெடுவானது வீட்டுக் கடன், தனி நபர் கடன், வாகனக் கடன் போன்ற கடன்கள் வங்கிகள் மட்டும் இல்லாமல் வீட்டுக் கடன் நிறுவனங்களில் இருந்து வாங்கி இருந்தால் கூட அவைகளுக்கு பொருந்தும். இந்த இ எம் ஐ ஒத்திவைப்பு குறித்த மெயில் & எஸ் எம் எஸ் வாடிக்கையாளர்களுக்குச் செல்லத் தொடங்கி உள்ளதாக தகவல்கள் வெளியாகி உள்ளன.
தற்போது எஸ்பிஐ, ஐ சி ஐ சி ஐ வங்கி, ஹெச் டி எஃப் சி , ஆக்ஸிஸ் வங்கி போன்றவர்களும், இந்த இ எம் ஐ ஒத்திவைப்புக்கு அனுமதிக்கத் தொடங்கி உள்ளன. மேலும் 3 மாதம் EMI கட்டாமல் இருந்தால் எவ்வளவு கூடுதலாகச் செலுத்த வேண்டி இருக்கும், பயன்படுத்திக் கொள்ளவில்லை என்றால் எவ்வளவு செலுத்த வேண்டி இருக்கும் போன்ற விவரங்களை வங்கிகள் தயாரித்து வழங்க உள்ளதாக தகவல் வெளியாகி உள்ளது.
வட்டி அதிகரிக்கும்..!
3 மாதகாலம் EMI கட்டாமல் இருந்தால் வாடிக்கையாளர்களுக்கு வட்டிச்சுமை தான் அதிகரிக்கும் என வங்கி அதிகாரிகள் தெரிவிக்கின்றனர். உதாரணமாக ஒருவர் 8.5 % வட்டிக்கு, 19 ஆண்டுகளில் (228) திருப்பிச் செலுத்த வேண்டிய கடன் 50 லட்சம் ரூபாய் பாக்கி இருக்கிறது என வைத்துக் கொள்வோம். இப்போது அவர் மாதா மாதம் 44,272 ரூபாய் EMI ஆக செலுத்திக் கொண்டு இருப்பார்.
ஒரு வேளை இவர் 3 மாத EMI ஒத்திவைப்பை பயன்படுத்திக் கொள்கிறார் என வைத்துக் கொள்வோம். ஆக மாதம் 35,000 ரூபாய்க்கு 3 மாதங்களுக்கு சுமாராக 1,05,000 ரூபாய் வட்டித் தொகை அசலுடன் சேர்ந்து வட்டி அதிகரிக்கும். அதாவது இனி 51.05 லட்சம் ரூபாய்க்கு வட்டி கட்ட வேண்டி இருக்கும். இந்த கூடுதல் சுமையைச் சமாளிக்க,
- 44,272 ரூபாய் இ எம் ஐ தொகையையே செலுத்துவது என்றால் தவணையை 228 மாதத்தில் இருந்து 240 மாதங்களாக அதிகரிக்க வேண்டி இருக்கும். (அல்லது)
- 45,202 ரூபாய் என இ எம் ஐ தொகையை அதிகரித்து அதே 228 மாதங்களுக்கு கடன் செலுத்த வேண்டி இருக்கும்.
3 மாதகால ஒத்திவைப்பை பயன்படுத்திக் கொள்வதை விட வழக்கம் போல ஒவ்வொரு மாதமும் கட்டி விடுவதே சிறந்தது என்பதே நிதர்சனமான உண்மை.
To Subscribe Youtube Channel  | Click Here |
To Join WhatsApp Group  | Click Here |
To Join Telegram Channel | Click Here |
