ஹிந்தி ரீமேக்கில் விஸ்வாசம் – அஜித் கதாபாத்திரத்திற்கு சண்டையிடும் இரண்டு டாப் நடிகர்கள்!!

January 25, 2022

அஜித் நடிப்பில் வெளியான விஸ்வாசம் திரைப்படம் தற்போது இந்தி ரீமேக்கிலும் உருவாகவுள்ளது. இதில் அஜித் கதாபாத்திரத்தில் நடிக்க அக்ஷய்குமார் மற்றும் அஜய் தேவ் கான் இருவருக்கும் கடும் போட்டி நிலவுகிறதாம்.

விஸ்வாசம் ஹிந்தி ரீமேக்:

2019 ஆம் ஆண்டில் அஜித் நடிப்பில் வெளியான விஸ்வாசம் திரைப்படம் மக்களின் மத்தியில் மிக பெரிய வரவேற்பை பெற்றது. இந்த திரைப்படத்தில் அஜித்துக்கு ஜோடியாக நயன்தாரா நடித்திருப்பார். வீரம், வேதாளம், விவேகம் ஆகிய வெற்றி திரைப்படங்களை இயக்கிய சிவா தான் இந்த திரைப்படத்தையும் இயக்கியுள்ளார்.

தற்போது விஸ்வாசம் திரைப்படம் இந்தி ரீமேக்கில் உருவாகவுள்ளது. இந்தி ரீமேக்கில் அஜித் கதாபாத்திரத்தில் நடிக்க ஹிந்தியில் பிரபல நடிகரான அக்ஷய்குமார் ஆர்வம் காட்டி வருவதாக கூறப்பட்டது. தற்போது நடிகர் அஜய் தேவ் கானும் அஜித் பாத்திரத்தில் ஆர்வம் காட்டி வருகிறாராம். இருவரில் யார் அஜித் கதாபாத்திரத்தில் நடிக்கவுள்ளனர் என்பது என்னும் முடிவாகவில்லை.