வலிமை திரைப்படத்தை தொடர்ந்து அடுத்த படத்தில் கமிட் ஆன நடிகர் அஜித் – மகிழ்ச்சி வெள்ளத்தில் தத்தளிக்கும் ரசிகர்கள்!!

January 6, 2022

வலிமை திரைப்படத்திற்காக காத்து கொண்டிருந்த ரசிகர்களுக்கு போனி கபூர் மீண்டும் ஒரு இன்ப தகவலை கூறியுள்ளார். அதாவது அஜித் மீண்டும் போனி கபூர் தயாரிப்பில் அடுத்த திரைப்படத்தில் நடிக்க ஒப்பந்தமாகியுள்ளார்.

அஜித் 61:

இரண்டு ஆண்டுகளுக்கு மேலாகியும் இன்னும் வலிமை திரைப்படம் வெளியான பாடில்லை. இறுதியில் வலிமை திரைப்படம் பொங்கல் பண்டிகையை முன்னிட்டு ஜனவரி 13 ஆம் தேதியில் திரையரங்கங்களில் வெளியாகும் என அறிவிக்கப்பட்டது. தற்போது கொரோனாவின் பரவல் அதிகரித்துள்ளதால் 50% இருக்கைகளுடன் வலிமை திரைப்படம் வெளியிடப்படும் என அறிவிக்கப்பட்டுள்ளது. தற்போதே ரசிகர்கள் ஆர்வம் தாங்க முடியாமல் திணறி கொண்டிருக்கின்றனர்.

தற்போது ரசிகர்கள் இன்னும் மகிழ்ச்சியில் தத்தளிக்கும் வகையில் ஒரு செய்தி வெளியாகியுள்ளது. அதாவது அஜித் மீண்டும் வினோத்-போனி கபூர் கூட்டணியில் ஒரு திரைப்படம் நடிக்க ஒப்பந்தமாகியுள்ளார். இந்த திரைப்படத்தின் பூஜை ஜனவரி 16 ஆம் தேதியில் நடைபெறவுள்ளதாக அறிவிக்கப்பட்டுள்ளது. இந்த செய்தியை கேட்டதும் ரசிகர்கள் தலை கால் புரியாமல் மகிழ்ச்சியில் மிதந்து கொண்டிருக்கின்றனர்.