நாட்டின் மிகப்பெரிய மாநிலமான உத்தரபிரதேச முதல்வர் யோகி ஆதித்யநாத்தின் 49வது பிறந்த தினம் இன்று. தான் ஒரு துறவி என்கிற காரணத்தால் தனது 49வது பிறந்த தினத்தின் பொழுது கூட ஒரு நிகழ்விற்கும் அவர் ஏற்பாடு செய்யவில்லை.
யோகி ஆதித்யநாத்:
யோகி ஆதித்யநாத் உத்திரப்பிரதேச மாநிலத்தின் முதல்வராக இருக்கும் போதிலும் அவர் உத்தரகாண்ட் மாநிலத்தில் பிறந்தவர். அவர் உத்தரகண்ட் மாநிலத்தின் கர்வால் மாவட்டத்தில் உள்ள யமகேஸ்வர் தெஹ்ஸிலின் பஞ்சூர் கிராமத்தில் 1972 ஜூன் 5 அன்று பிறந்தார். இவரது தந்தை ஆனந்த் சிங் பிஷ்ட் வன ரேஞ்சர். சமீபத்தில் அவர் நீண்டகால நோய் காரணமாக இறந்தார். இவரது தாயின் பெயர் திருமதி சாவித்ரி தேவி. யோகி குழந்தை பருவத்திலிருந்தே மிகவும் புத்திசாலி மற்றும் விடாமுயற்சியுடன் இருந்தார், அவருடைய ஆர்வம் ஆன்மீகத்தை நோக்கியதாக இருந்தது.
டெலிகிராம் இல் தகவல்களைப் பெற இங்கே கிளிக் செய்யவும்
இவர் உத்திரப்பிரதேச மாநில முதல்வர் ஆக மட்டுமின்றி கோரக்பூரில் உள்ள புகழ்பெற்ற கோரக்நாத் கோயிலின் மஹந்தும் ஆவார். 19 மார்ச் 2017 அன்று நடைபெற்ற மாநில சட்டசபை தேர்தலில் பாரதிய ஜனதா கட்சியின் மகத்தான வெற்றியின் பின்னர் உ.பி.யின் 21 வது முதல்வராக பதவியேற்றார். யோகி ஆதித்யநாத் இந்து இளைஞர்களின் சமூக, கலாச்சார மற்றும் தேசியவாத குழுவான இந்து யுவா வாகினியின் நிறுவனர் ஆவார்.
பிரதமர் மோடி வாழ்த்து:
‘அவரது தலைமையின் கீழ் அரசு முன்னேற்றத்தின் புதிய உயரங்களைத் தொடுகிறது என்று பிரதமர் மோடி தனது ட்விட்டர் பக்கத்தில் தெரிவித்து உள்ளார். குடிமக்களின் வாழ்க்கையில் குறிப்பிடத்தக்க மாற்றங்கள் ஏற்பட்டுள்ளன. கடவுள் அவர்களுக்கு நீண்ட ஆரோக்கியமான வாழ்க்கையை வழங்கட்டும் என வாழ்த்து கூறியுள்ளார்.
