ஆசிய கோப்பை தொடரிலேயே இந்தியா மற்றும் பாகிஸ்தான் அணிகளுக்கு இடையிலான போட்டி ரசிகர்கள் மத்தியில் மிகவும் எதிர்ப்பார்க்கப்பட்ட போட்டியாகும். ஏற்கனவே இந்த இரு அணிகளும் ஆசிய கோப்பையில் மோதிய லீக் போட்டி மழை காரணமாக ரத்து செய்யப்பட்டது. இதையடுத்து, நேற்று சூப்பர் 4 சுற்றில் மீண்டும் இந்த இரு அணிகள் மோதின. இதில், டாஸ் வென்ற பாகிஸ்தான் பவுலிங்கை தேர்வு செய்தது. இதையடுத்து, இந்தியாவின் ரோஹித் சர்மா (56), சுப்மன் கில் (58) களமிறங்கி அதிரடியாக விளையாடி அரைசதம் கடந்து வெளியேறினர்.
டிவிட்டர் : Enewz Tamil ட்விட்டர்
இதன் பின் விராட் கோலி 8*, கே எல் ராகுல் 17* விளையாட தொடங்கிய போது மழை குறுக்கிட்டது. இதனால், போட்டியானது ரிசர்வ் நாளில் நடைபெறும் என அறிவிக்கப்பட்டுள்ளது. இதன் காரணமாக இன்று, இந்திய நேரப்படி மதியம் 3 மணிக்கு விராட் கோலி மற்றும் கே எல் ராகுல் மீண்டும் களத்தில் இறங்குவதுடன் போட்டி தொடங்கும் என அறிவிக்கப்பட்டுள்ளது. இன்றைய தினம் மழை குறிக்கிடாமல் இருக்க வேண்டும் என்பது கிரிக்கெட் ரசிகர்களின் எதிர்பார்ப்பாக உள்ளது.
