கடலோர காவலர்கள் நடத்திய பாய்மர படகு பயண நிகழ்ச்சியில் பங்கேற்ற 21 காவலர்கள், கின்னஸ் உலக புத்தகத்தில் இடம் பெற்றுள்ள நிலையில், அவர்களுக்கு கமல் வாழ்த்துக்களை தெரிவித்துள்ளார்.
கமல் வாழ்த்து:
தமிழக கடலோர காவலர்கள் 21 பேர் பங்கேற்ற, மரைன் போலீஸ் பாய்மர படகு பயணம் 2022 என்ற விழிப்புணர்வு நிகழ்வு நடத்தப்பட்டது. தமிழக பாதுகாப்பு குழுவுடன் ராயல் மெட்ராஸ் யாட்ச் கிளப் இணைந்து நடத்தும் இந்த நிகழ்ச்சி, கடந்த மாதம் 9ஆம் தேதி சென்னையில் இருந்து மண்டபம் வரை உள்ள 500 கிலோ மீட்டர் தூரத்திற்கு மேற்கொள்ளப்பட்டது.
மீனவ மக்களின் விழிப்புணர்வுக்காக இந்த நிகழ்ச்சி நடத்தப்படுகிறது. சர்வதேச அளவில் நடத்தப்பட்ட, இந்த நிகழ்வினை தமிழக காவல்துறை டிஜிபி சைலேந்திரபாபு கொடியசைத்து துவக்கி வைத்தார். தற்போது இந்த நிகழ்ச்சி உலக சாதனை புத்தகத்தில் இடம் பெற்றுள்ளது.
இது குறித்த செய்தியை வெளியிட்ட மக்கள் நீதி மைய தலைவர் கமல்ஹாசன், காவலர்கள் மேற்கொண்ட இந்த உலக சாதனைக்கு வாழ்த்துக்கள் என குறிப்பிட்டுள்ளார். மீனவர்களுக்கான இந்த சாதனை பயணம், மிகுந்த பாராட்டுக்குரியது என தனது வாழ்த்து செய்தியில் பதிவிட்டுள்ளார் .
தமிழ்நாடு கடலோரப் பாதுகாப்புக் குழுமத்தைச் சேர்ந்த 21 காவலர்கள் 3 பாய்மரப் படகுகள் மூலம் சென்னையிலிருந்து கடல் வழியே ராமேஸ்வரம் சென்று, மீண்டும் சென்னை திரும்பியுள்ளனர். மீனவர்கள் பாதுகாப்பு விழிப்புணர்வுக்கான இப்பயணம் உலக சாதனைப் புத்தகத்தில் இடம்பெற்றுள்ளது பாராட்டுக்குரியது. pic.twitter.com/o8QiHZrmKx
— Makkal Needhi Maiam | மக்கள் நீதி மய்யம் (@maiamofficial) August 5, 2022
வாட்ஸ் அப்: Enewz Tamil வாட்ஸ் அப்
டெலிக்ராம்: Enewz Tamil டெலிக்ராம்
உடனடி செய்திகளுக்கு – எங்கள் App-ஐ டவுன்லோடு செய்யவும்
ஃபேஸ்புக் : Enewz Tamil ஃபேஸ்புக்
டிவிட்டர் : Enewz Tamil ட்விட்டர்
இன்ஸ்டாகிராம் : Enewz Tamil இன்ஸ்டாகிராம்
யு டியூப் : Enewz Tamil யுடியூப்
Enewz Youtube டெலிக்ராம் : கிளிக் செய்யவும்
Enewz Youtube வாட்ஸ் அப் : கிளிக் செய்யவும்
