மூத்த குடிமக்களுக்கு ரயில் பயண டிக்கெட்டுகளில் 53% கட்டண தள்ளுபடி அளிக்கும் நடைமுறையை மத்திய அரசு மீண்டும் வெளியிடும் என எதிர்பார்க்கப்படுகிறது.
அரசின் முடிவு :
ரயில், வங்கி மற்றும் ரேஷன் போன்ற அரசு துறைகளில் மூத்த குடி மக்களுக்கு பல்வேறு சலுகைகள் வழங்கப்பட்டு வருகிறது. அந்த வகையில் மூத்த குடிமக்களுக்கு, ரயில்வே டிக்கெட்டுகளில் 53% தள்ளுபடி வழங்கப்படுகிறது. கடந்த 2 ஆண்டுகளுக்கு முன் கொரோனா காலத்தில் இந்த, சேவை அதிரடியாக நிறுத்தப்பட்டது. தற்போது கொரோனா சரியாகி 2 ஆண்டுகள் ஆகியும், இன்னமும் இந்த திட்டம் செயல்படுத்தப்படாமல் உள்ளது.
மாதவிடாய் காலங்களில் பெண்களுக்கு விடுமுறை.,வெளியான உத்தரவு! புதிய விதிமுறைகள் அமல்!!
இதுகுறித்து மத்திய ரயில்வே அமைச்சரிடம் இதுகுறித்து கேள்வி எழுப்பப்பட்ட போது, ஸ்லீப்பர் மற்றும் 3 வது ஏசி பெட்டியில் பயணிக்கும் மூத்த குடிமக்களுக்கு மீண்டும் இந்த கட்டண தள்ளுபடி வழங்க நாடாளுமன்ற நிலைக்குழு பரிந்துரை செய்துள்ளதாக தெரிவித்தார்.
இதுபோக, கடந்த 2 ஆண்டுகளாக, ரயில்வேயின் வருமானம் அதிகரித்துள்ளதால், விரைவில் மத்திய அரசு இந்தத் திட்டத்தை அறிவிக்கலாம் என எதிர்பார்க்கப்படுகிறது. வரும் நாடாளுமன்ற கூட்டத்தொடரில் இது குறித்த அறிவிப்பை, மத்திய அரசு அதிகாரப்பூர்வமாக வெளியிடும் என்பதே மூத்த குடி மக்களின் எதிர்பார்ப்பாக இருந்து வருகிறது.
