இயக்குனர் சுகுமார் இயக்கத்தில், நடிகர் அல்லு அர்ஜுன் நடிப்பில் கடந்த 2021 ஆம் ஆண்டு வெளியான திரைப்படம் ‘புஷ்பா’. தெலுங்கு, தமிழ் உள்ளிட்ட மொழிகளில் வெளியிடப்பட்ட இந்த திரைப்படம் ரசிகர்களிடையே நல்ல வரவேற்பை பெற்றதோடு, வசூல் குவித்தது. இதையடுத்து, இந்த திரைப்படத்தின் 2 ஆம் பாகத்தின் படப்பிடிப்பு விறுவிறுப்பாக நடைபெற்று வருகிறது இந்த நிலையில், நடிகர் அல்லு அர்ஜுனின் பிறந்தநாளை முன்னிட்டு புஷ்பா படத்தின் 2 ஆம் பாகத்திற்கான டீசரை படக்குழு இன்று (ஏப்ரல் 8) வெளியிட்டது.
இதையடுத்து, ஆஸ்திரேலிய கிரிக்கெட் வீரர் டேவிட் வார்னர் தனது அதிகாரப்பூர்வ இன்ஸ்டாகிராம் பக்கத்தில் வாழ்த்து கூறி பதிவு ஒன்றை வெளியிட்டுள்ளார். அதில் புஷ்பா 2 திரைப்படத்தின் புகைப்படத்தை இணைத்து HAPPY BIRTHDAY @alluarjunonline என்று பதிவிட்டுள்ளார்.இந்த நிலையில் புஷ்பா நாயகனுக்காக பிறந்தநாள் வாழ்த்து கூறி வார்னர் வெளியிட்ட பதிவு ரசிகர்களின் கவனம் பெற்று வருகிறது.