பொழுதுபோக்கு

பிரபல விஷால் பட நடிகர் திடீர் மரணம் – அதிர்ச்சியில் மூழ்கிய ரசிகர்கள்!!

July 12, 2022

இயக்குனர் பாலா இயக்கத்தில் வெளிவந்த அவன் இவன் படத்தில், போலீஸ் கதாபாத்திரத்தில் நடித்து அசத்திய, பிரபல நகைச்சுவை நடிகர் ராமராஜன் தனது 72 வயதில் இன்று காலமானார்.

அதிர்ச்சி மரணம்:

தமிழ் சினிமாவின், முன்னணி இயக்குனரான பாலா இயக்கத்தில், விஷால் மற்றும் ஆர்யா நடிப்பில் உருவாகி வெளியான அவன் இவன் படத்தில் போலீஸ் பாத்திரத்தில் நடித்தவர் காமெடி நடிகர் ராமராஜன். தொடர்ந்து பல படங்களில் குணச்சித்திர நடிகராக நடித்து வந்த இவர், சினிமாவுக்கு வருவதற்கு முன் கூட்டுறவு வங்கி மேலாளராக பணிபுரிந்து ஓய்வு பெற்றவர் என்பது குறிப்பிடத்தக்கது.

வயது முதிர்வு காரணமாக, படங்களில் நடிக்காமல் ஓய்வு எடுத்து வந்த இவர், கடந்த சில மாதங்களாக உடல் நலம் குன்றிய நிலையில் இருந்தார். இந்த நிலையில் இவருக்கு மதுரையில் உள்ள மருத்துவமனையில், சிகிச்சை அளிக்கப்பட்டு வந்த நிலையில் யாரும் எதிர்பாராத விதமாக தனது 72 வயதில், நேற்று இரவு காலமானார். இவரது இறுதிச் சடங்கு இவரது சொந்த ஊரான, ராமநாதபுரம் மாவட்டத்தில் உள்ள முதுகளத்தூரில் நடைபெறும் என அவரது உறவினர்கள் தெரிவித்துள்ளனர். இதையடுத்து, நடிகர் ராமராஜ் மறைவுக்கு கோலிவுட் பிரபலங்கள் மற்றும் ரசிகர்கள் பலரும் அஞ்சலி செலுத்தி வருகின்றனர்.