பொழுதுபோக்கு

“நிச்சயம் உங்களை பெருமை படுத்துவேன்” – மனம் திறந்த குக் வித் கோமாளி அஸ்வின்!!

September 30, 2021

தமிழ் சினிமாவில் தற்போது நுழைந்துள்ள குக் வித் கோமாளி 2 பிரபலம் அஸ்வின் குமார், இன்ஸ்டாவில் நேரலையில் தோன்றி ரசிகர்களிடம் பேசிய வீடியோ பயங்கரமாய் வைரலாகி வருகிறது.

மனம் திறக்கும் அஸ்வின்:

விஜய் தொலைக்காட்சியில் பிரபலமாக ஒளிபரப்பாகி வந்த ரியாலிட்டி ஷோவில் நம்பர் 1 இடத்தில் இருந்தது குக் வித் கோமாளி. இதன் முதல் சீசனை காட்டிலும், இரண்டாவது சீசனில் கலந்து கொண்ட போட்டியாளர்களும், கோமாளிகளும் இந்த நிகழ்ச்சியை புகழின் உச்சிக்கு கொண்டு சென்றனர். இந்த சீசனில் போட்டியாளராக கலந்து கொண்ட அஸ்வின்குமார் பெண் ரசிகைகளின் சாக்லேட் பாயாக மாறி மிகவும் பிரபலமடைந்தார்.

இந்த நிகழ்ச்சியை அடுத்து, அவருக்கு பட வாய்ப்புகள் குவிந்தன. இதில், தற்போது என்ன சொல்ல போகிறாய் படத்தில் நடித்து வரும் இவர், இன்ஸ்டாவில் நேரலையில் தோன்றி “ரசிகர்களாகிய நீங்கள் இல்லாமல் நான் இல்லை, உங்கள் அன்புக்கு நன்றி. நிச்சயம் உங்களை பெருமை படுத்துவேன்” என்று பேசியுள்ள வீடியோ பலரது கவனத்தையும் ஈர்த்துள்ளது.