பொழுதுபோக்கு

சூப்பர் ஸ்டார் பட வில்லன் நடிகர் தூக்கிட்டு தற்கொலை – உடலை மீட்டு போலீசார் தீவிர விசாரணை!!

June 28, 2022

பிரபல மலையாள வில்லன் நடிகர் என்.டி.பிரசாத் தனது 43 வயதில், தனது வீட்டிற்கு வெளியே தூக்கிட்டு தற்கொலை செய்து கொண்ட சம்பவம், மலையாளத் திரையுலகில் அதிர்ச்சியை ஏற்படுத்தியுள்ளது.

தூக்கிட்டு தற்கொலை:

மலையாளத் திரையுலகில் புகழ்பெற்ற வில்லன் நடிகராக திகழ்ந்தவர் என்.டி.பிரசாத். 43 வயதான இவர் இபா, கர்மணி போன்ற படங்களில் முக்கிய வேடங்களில் நடித்துள்ளார். மேலும் மலையாள சூப்பர் ஸ்டார் நிவின்பாலி நடித்த, பிஜு என்ற படத்தில் அவருக்கு வில்லனாக நடித்து அசத்தியிருந்தார்.

இவர் கடந்த ஜூன் 25ஆம் தேதி, கொச்சிக்கு அருகில் உள்ள தனது வீட்டிற்கு வெளியே உள்ள மரத்தில் தூக்கிட்டு தற்கொலை செய்து கொண்டார். தூக்கில் தொங்கிய இவரது, உடலை பார்த்த பொதுமக்கள் போலீசாருக்கு தகவல் கொடுத்தனர். போலீசார் சம்பவ இடத்திற்கு விரைந்து தூக்கில் தொங்கிய நடிகரின் உடலை கைப்பற்றி, பிரேத பரிசோதனைக்கு அனுப்பினர்.

இவர் கடந்த சில தினங்களாக, குடும்பப் பிரச்சினையில் சிக்கி மன உளைச்சலில் இருந்ததாக போலீசார் தெரிவித்துள்ளனர். ஏற்கனவே இவர் போதைப்பொருள் மற்றும் பயங்கர ஆயுதங்கள் வைத்திருந்த வழக்கில் கைது செய்யப்பட்டார். இந்த நிலையில் இவரது திடீர் மரணம் மலையாள திரையுலகில் அதிர்ச்சியை ஏற்படுத்தியுள்ளது.