கோல் மழையில் நனையும் கத்தார்…, இங்கிலாந்து மற்றும் நெதர்லாந்து அணிகள் அசத்தல் வெற்றி!!

FIFA உலக கோப்பை கால்பந்து தொடரில், எதிரணியை ஒரு கோல் கூட அடிக்கவிடாமல் நெதர்லாந்து அணி அபாரமாக வெற்றி பெற்றது.

FIFA உலக கோப்பை:

FIFA உலக கோப்பை கால்பந்து தொடரின் 22 வது சீசன் கத்தாரில் கோலாகலமாக நடைபெற்று வருகிறது. இந்த தொடரின், 2ம் நாளான நேற்று, இரண்டு போட்டிகள் நடைபெற்றன. இதில், முதல் போட்டியில், குரூப் B யில் இடம்பெற்றுள்ள ஈரான் அணியை எதிர்த்து இங்கிலாந்து அணி மோதியது. இந்த போட்டியில், இங்கிலாந்து அணி ஆரம்பம் முதலே கோல் மழையை பொழிய தொடங்கினர்.

இன்ஸ்டாகிராம் : Enewz Tamil இன்ஸ்டாகிராம்

இதனால், முதல் பாதியில், இங்கிலாந்து அணி 2-0 என்ற கோல் கணக்கில் முன்னிலை பெற்றது. இதையடுத்து தொடங்கிய, ஆட்டத்தின் 2வது பாதியில், ஈரானின் மெஹ்தி தரேமி ஒரு கோல் அடிக்க, பதிலுக்கு இங்கிலாந்து வீரர்கள் 4 கோல்கள் அடித்து அசைக்க முடியாத முன்னிலை பெற்றனர். இறுதி நேரத்திலும் ஈரானின் மெஹ்தி தரேமி மீண்டும் ஒரு கோல் அடித்தார். இதன் மூலம், 6-2 என்ற கோல் வித்தியாசத்தில் இங்கிலாந்து அணியிடம் ஈரான் தோல்வியை சந்தித்தது.

புரோ கபடி: அதிரடி ஆட்டத்தால் மாஸ் காட்டிய தமிழ் தலைவாஸ்…, வீழ்ந்த பெங்கால் வாரியர்ஸ்!!

இதே போன்று மற்றொரு ஆட்டத்தில், குரூப் A யில் உள்ள செனகல் அணிக்கு எதிராக நெதர்லாந்து அணி மோதியது. இந்த போட்டியின், முதல் பாதியில், இரு அணிகளும் கோல் அடிக்காத நிலையில், 2வது பாதியில், நெதர்லாந்தின் கோடி காக்போ மற்றும் டேவி கிளாசென் 2 கோல்களை அடித்து அசத்தினர். இதனால், நெதர்லாந்து அணி, 2-0 என்ற கோல் வித்தியாசத்தில் செனகல் அணியை வீழ்த்தியது.