சென்னை ஓபன் டென்னிஸ் தொடரில் இந்திய வீராங்கனை கர்மன் தண்டி தோல்வி அடைந்து வெளியேறினார்.
கர்மன் தண்டி!!
சென்னையில் நடைபெற்று வரும் சர்வதேச பெண்கள் ஓபன் டென்னிஸ் தொடருக்கான 2-வது சுற்று ஆட்டத்தில் இந்திய வீராங்கனை கர்மன் தண்டி, கனடாவின் யூஜெனி புசார்ட்டை எதிர்கொண்டார்.
இருவருக்கும் இடையில் நடைபெற்ற விறுவிறுப்பான ஆட்டத்தில் 6-2, 7-6 (7-2) என்ற நேர் செட் கணக்கில் தோல்வி அடைந்து கர்மன் தண்டி வெளியேறினார்.இதே போன்று நடைபெற்ற மற்றொரு ஆட்டத்தில் 17 வயது இளம் வீராங்கனை லின்டா புருவிர்தோவா, சுவீடன் நாட்டைச் சேர்ந்த ரெபக்கா பீட்டர்சனை எதிர்கொண்டார்.
டெலிக்ராம்: Enewz Tamil டெலிக்ராம்
இந்த போட்டியில் தொடக்கத்தில் இருந்து அதிரடியாக விளையாடிய புருவிர்தோவா 6-4, 6-2 என்ற நேர் செட்டில் வெற்றி பெற்று அடுத்த கட்டத்திற்கு முன்னேறியுள்ளார். இதே போன்று மற்றொரு ஆட்டத்தில் ஜப்பானின் நாவ் ஹிபினோ 6-2, 6-3 என்ற நேர் செட் கணக்கில் குவாங் வாங்கை வீழ்த்தி காலிறுதி ஆட்டத்திற்கு முன்னேறியுள்ளார்.
