பொழுதுபோக்கு

நடிகர் விஜய்யின் சொந்த வீட்டை ஜப்தி செய்ய உத்தரவு – பணத்தைக் கட்டாததால் நீதிமன்றம் அதிரடி!!

August 2, 2022

விஜய் பிறந்து வளர்ந்த, சாலிகிராமத்தில் உள்ள அவரது சொந்த வீட்டில் உள்ள பொருட்களை ஜப்தி செய்ய சென்னை எழும்பூர் உரிமையியல் நீதிமன்றம் உத்தரவிட்டுள்ளது.

நீதிமன்றம் உத்தரவு :

தமிழ் சினிமாவில் தவிர்க்க முடியாத நடிகராக வலம் வருபவர் நடிகர் விஜய். ஒரு படத்திற்கு, இவர் 100 முதல் 120 கோடி வரை சம்பளம் பெற்று வருகிறார். இந்த நிலையில், நடிகர் விஜய் தனது பெற்றோருடன் சாலிகிராமத்தில் உள்ள அவரது பூர்வீக வீட்டில் தான் பிறந்து வளர்ந்தார் என்று சொல்லப்படுகிறது. தற்போது இந்த வீட்டை, விஜய்யின் தந்தை எஸ்.ஏ.சி அலுவலகமாக மாற்றி உள்ளார்.

தற்போது, விஜய்யின் தந்தை எஸ்.ஏ.சந்திரசேகர் கடந்த 2011 ஆம் ஆண்டு தனது சட்டப்படி குற்றம் என்ற படத்தில் விளம்பரம் செய்வதற்காக சரவணன் என்பவர் உடன் ஒப்பந்தம் செய்து கொண்டார். ஆனால் இந்த ஒப்பந்தத்திற்கான பணத்தை எஸ்.ஏ.சி கொடுக்காததால், அவருக்கு எதிராக சரவணன் நீதிமன்றத்தில் வழக்கு தொடர்ந்தார்.

தற்போது, அந்த பணத்தை உடனடியாக எஸ்.ஏ.சி செலுத்த வேண்டும் என நீதிமன்றம் உத்தரவிட்டும், பணத்தை கொடுக்காததால் சாலிகிராமத்தில் அவரது அலுவலகத்தில் உள்ள பொருட்களை ஜப்தி செய்ய எழும்பூர் உரிமையியல் நீதிமன்றம் உத்தரவிட்டுள்ளது. வெறும் 76, 122 ரூபாய் பணத்திற்காக விஜய் வசித்த சொந்த வீட்டில் உள்ள பொருள் ஜப்திக்குள்ளாகும் நிலை சினிமா வட்டாரத்தில் பரபரப்பை ஏற்படுத்தியுள்ளது.