தமிழகத்தில் உள்ள பதினொன்றாம் வகுப்புக்கு பெரும்பாலான தனியார் பள்ளிகள் உரிய முக்கியத்துவம் வழங்குவதில்லை. மேலும் கடமைக்கு பாடங்களை நடத்தி முடித்து மாணவர்களை பன்னிரண்டாம் வகுப்பு பொதுத் தேர்வுக்கு முன்னதாகவே தயார் செய்வதில் தீவிரம் கட்டி வருகின்றனர்.
ஆனால், உயர்கல்வி படிப்புக்கான நுழைவுத் தேர்வுகளில் பிளஸ் 1 பாடங்களில் இருந்தே அதிக கேள்விகள் கேட்கப்படுவதால், மாணவர்கள் பதில் தெரியாமல் குறைந்த மதிப்பெண்களை எடுக்கின்றனர். இந்நிலையில் அண்மையில் ஆலோசனை கூட்டம் நடைபெற்றது, அதில் பல தகவல்களை தமிழக பள்ளிக் கல்வித் துறை ஆணையர் தெரிவித்து உள்ளார்.
வாட்ஸ் அப்: Enewz Tamil வாட்ஸ் அப்
அதாவது அவர் கூறியதாவது, பத்தாம் வகுப்பு, பிளஸ் 1, பிளஸ் 2 என தொடர்ந்து மூன்று ஆண்டுகள் பொது தேர்வு எழுதுவதால் மாணவர்களுக்கு மன அழுத்தம் ஏற்படுகிறது. மேலும் நீட், ஜேஇஇ உள்ளிட்ட தேசிய நுழைவுத் தேர்வுகளுக்கு தயாராகவும் போதுமான கால அவகாசம் கிடைப்பதில்லை.
இவற்றைக் கருத்தில் கொண்டு, நடப்பாண்டு முதல் பிளஸ் 1 வகுப்புக்கான பொதுத்தேர்வை ரத்து செய்ய திட்டமிடப்பட்டு வருகிறது. இது தொடர்பான பரிந்துரை அறிக்கை அரசுக்கு அனுப்பப்பட்டுள்ளது. இதனை தொடர்ந்து முதல்வரின் அனுமதி கிடைத்தபின் அடுத்தகட்ட நடவடிக்கைகள் மேற்கொள்ளப்படும் என்று தமிழக பள்ளிக் கல்வித் துறை ஆணையர் தெரிவித்து உள்ளார்.
