இந்தியாவில் நடைபெற்று வரும் ஒருநாள் உலக கோப்பை தொடரானது தற்போது இறுதி போட்டியை எதிர்நோக்கி அரங்கேறுகிறது. இந்த தொடரின், லீக் சுற்று போட்டிகளின் அடிப்படையில் இந்தியா, தென் ஆப்பிரிக்கா மற்றும் ஆஸ்திரேலியா ஆகிய 3 அணிகள் அரையிறுதி சுற்றுக்கு தகுதி பெற்றுள்ளனர். மீதமுள்ள ஓர் இடத்திற்கு 3 அணிகளுக்கு இடையே கடுமையான போட்டி நிலவி வருகிறது.
இதில், நியூசிலாந்து அணி 9 போட்டிகள் முடிவில் 10 புள்ளிகள் பெற்று முன்னிலை வகிக்கிறது. மேலும், பாகிஸ்தான் மற்றும் ஆப்கானிஸ்தான் அணிகள் 8 போட்டிகள் முடிவில் 8 புள்ளிகள் பெற்றுள்ளதால், இந்த அணிகள் தங்களது கடைசி போட்டியை வென்றால் அரையிறுதிக்கு முன்னேறும் அணியை ரன்ரேட் அடிப்படையிலேயே தேர்வு செய்ய இயலும். இதில், பாகிஸ்தான் அணியானது இங்கிலாந்து அணிக்கு எதிராக வென்று அரையிறுதி செல்ல, இந்த 5 வழிகள் மட்டுமே உள்ளது. இதில், ஏதேனும் நடந்து பாகிஸ்தான் வெற்றி பெற்றால், இந்திய அணிக்கு எதிராக இந்த உலக கோப்பையில் மீண்டும் மோதும் என எதிர்பார்க்கப்படுகிறது.
அதாவது பாகிஸ்தான் அணி முதலில் பேட்டிங் தேர்வு செய்து,
- 300 ரன்களுக்கு மேல் எடுத்து, இங்கிலாந்து அணியை 50 ரன்களுக்குள் சுருட்ட வேண்டும். (அல்லது)
- 350 ரன்களுக்கு மேல் எடுத்து, இங்கிலாந்து அணியை 63 ரன்களுக்குள் சுருட்ட வேண்டும். (அல்லது)
- 400 ரன்களுக்கு மேல் எடுத்து, இங்கிலாந்து அணியை 112 ரன்களுக்குள் சுருட்ட வேண்டும். (அல்லது)
- 450 ரன்களுக்கு மேல் எடுத்து, இங்கிலாந்து அணியை 162 ரன்களுக்குள் சுருட்ட வேண்டும். (அல்லது)
- 500 ரன்களுக்கு மேல் எடுத்து, இங்கிலாந்து அணியை 211 ரன்களுக்குள் சுருட்ட வேண்டும்
