நடிகர் விஜய்யுடன் வாரிசு படத்தில் நடிக்க, பிரபல 80ஸ் ஹீரோ மைக் மோகனிடம் படக்குழு பேசிய போது, அவர் அதனை மறுத்து விட்டதாக தகவல்கள் வெளியாகி உள்ளது.
மறுத்த நடிகர்:
நடிகர் விஜய், தற்போது வாரிசு படத்தில் நடித்து வருகிறார். இந்த படத்தில் சரத்குமார், சங்கீதா, ராஷ்மிகா மந்தனா, பிரபு, பிரகாஷ்ராஜ் உள்ளிட்ட பல நட்சத்திர பட்டாளங்கள் நடிக்கின்றனர். இந்தப் படம், வருகிற பொங்கலுக்கு திரைக்கு வரும் என எதிர்பார்க்கப்படுகிறது.
யு டியூப் : Enewz Tamil யுடியூப்
இந்த நிலையில், இந்த படத்தில் விஜய்க்கு அண்ணனாக நடிக்க, பிரபல 80ஸ் ஹீரோ மைக் மோகன் என்பவரிடம் படக்குழு பேச்சுவார்த்தை நடத்தியது. அந்த காலகட்டத்தில் இவர் புகழ்பெற்ற நடிகராக திகழ்ந்து வந்ததால், அவரை நடிக்க வைத்தால் பெரிய அளவில் இருக்கும் என படக்குழு திட்டமிட்டது.
ஆனால், இதனை மறுத்த நடிகர் மைக் மோகன், நான் எப்போ நடித்தாலும் ஹீரோவாக மட்டுமே நடிப்பேன் எனக்கூறி அந்த வாய்ப்பை தூக்கி எறிந்து விட்டார். நீண்ட நாட்களுக்குப் பிறகு இவர் மீண்டும் ஹரா என்ற படத்தில் கதாநாயகனாக நடித்து முடித்துள்ளார். மோகனின் இந்த அதிரடி முடிவால் விஜய் ரசிகர்கள் அதிர்ச்சி அடைந்துள்ளனர்.
