நாட்டில் வேகமெடுக்கும் கொரோனா – பரிசோதனைக்காக காத்திருக்கும் மக்கள்! மீண்டும் கட்டுப்பாடுகள் அமல்??

April 18, 2022

சீனாவின் ஷாங்காய் நகரில் தொடர்ந்து வைரஸ் பரவல் அதிகரித்து வருவதால், அங்கு பரிசோதனை செய்து கொள்ள பொதுமக்கள் நீண்ட வரிசையில் பல மணி நேரம் காத்திருக்கும் வீடியோ வைரலாகி வருகிறது.

காத்திருக்கும் மக்கள்:

இந்தியாவில் கடந்த சில தினங்களாக வைரஸ் பரவல் வெகுவாக குறைந்து வருகிறது. இதனால், இதுவரை அமலில் இருந்த அனைத்து கட்டுப்பாடுகளையும் விலக்கி கொள்வதாக மத்திய அரசு அண்மையில் அறிவித்தது. இந்த நிலையில், இந்த வைரஸின் பிறப்பிடமான சீனாவில் கொரோனா பரவல் மீண்டும் தீவிரம் எடுக்க தொடங்கியுள்ளது. இதனால், அங்கு பல்வேறு ஊரடங்கு கட்டுப்பாடுகள் அமல் படுத்தப்பட்டு வருகிறது.

இங்குள்ள ஷாங்காய் நகரில், வைரஸ் பரவல் கட்டுக்கடங்காமல் பரவி வருவதால் பரிசோதனை செய்து கொள்ள பொதுமக்கள் நீண்ட வரிசையில் வெகு நேரம் காத்திருக்கும் வீடியோ சமூக வலைத்தளங்களில் வைரலானது. இதுவரை இந்த நகரில் சுமார், 2 கோடி 20 லட்சம் பேருக்கு தொற்று உறுதி செய்யப்பட்டுள்ளதாகவும், அறிகுறிகள் இல்லாமல் பலர் பாதிக்கப்படுவதாகவும் அதிர்ச்சி தகவல் வெளியாகியுள்ளது. இதனால், அங்கு மீண்டும் முழு பொது முடக்கம் அமலாகுமோ? என்ற அச்சத்தில் பொதுமக்கள் உள்ளனர்.