இந்தியன் சூப்பர் லீக் தொடரில், ஏடிகே மோகன் பகான் அணி பெங்களூரு அணியை 4-3 என்ற கோல் வித்தியாசத்தில் வீழ்த்தி சாம்பியன் பட்டத்தை வென்று அசத்தி உள்ளது.
இந்தியன் சூப்பர் லீக்:
இந்தியன் சூப்பர் லீக் தொடரின் 9 வது சீசன் கடந்த ஆண்டு அக்டோபர் மாதம் முதல், 11 அணிகளுக்கு இடையே நடைபெற்றது. இந்த தொடரின் இறுதிப் போட்டியில், நேற்று கொல்கத்தாவின் ஏடிகே மோகன் பகான் அணியானது பெங்களூரு அணிக்கு எதிராக மோதியது. இதில், ஏடிகே அணியானது 3 முறை சாம்பியன் பட்டத்தை வென்றுள்ளது. ஆனால், ஏடிகே மோகன் பகான் என பெயர் மாற்றப்பட்ட பிறகு தனது முதல் பட்டத்தை வெல்ல வேண்டும் என முனைப்பில் பெங்களூரு அணிக்கு எதிராக விளையாடியது.
ஃபேஸ்புக் : Enewz Tamil ஃபேஸ்புக்
இதில், ஆட்டத்தின் முதல் பாதியில் இரு அணிகளுக்கு கிடைத்த பெனால்டி வாய்ப்பை சரியாக பயன்படுத்திய டிமிட்ரி பெட்ராடோஸ் மற்றும் சுனில் சேத்ரி தலா ஒரு கோல்கள் அடித்தனர். இதனால், ஆட்டத்தின் முதல் பாதியில் 1-1 என்ற கோல் கணக்கில் சமநிலையில் இருந்தனர். இதையடுத்து தொடங்கப்பட்ட 2வது பாதியிலும், இரு அணிகளும் தலா ஒரு கோல்கள் அடிக்க, ஆட்ட நேர முடிவில் 2-2 என்ற கோல் கணக்கில் சமநிலையில் இருந்தனர்.
WPL 2023: 2வது வெற்றியை ருசித்த RCB…, முதல் தோல்வியை சந்தித்த மும்பை இந்தியன்ஸ்!!
இதனால், வெற்றியாளரை தீர்மானிக்க போட்டி பெனால்டி ஷூட்டை நோக்கி போட்டி நகர்ந்தது. இந்த பெனால்டி ஷூட்டில் ஏடிகே மோகன் பகான் அணியானது 4 கோல்கள் அடிக்க, பெங்களூரு அணி 3 கோல்கள் மட்டும் அடித்து சாம்பியன் பட்டத்தை வெல்ல தவறியது. இதனால், ஏடிகே மோகன் பகான் அணி 4-3 என்ற கோல் வித்தியாசத்தில் பெங்களூரு அணியை வீழ்த்தி தனது முதல், பட்டத்தை வென்று சாதனை படைத்துள்ளது.
