நியூசிலாந்துக்கு சுற்றுப்பயணம் மேற்கொண்டுள்ள ஆஸ்திரேலியா அணி 3 போட்டிகள் கொண்ட T20 தொடரில் விளையாடி வருகிறது. இவ்விரு அணிகளுக்கு இடையிலான முதலாவது போட்டி வெலிங்டன் மைதானத்தில் நடைபெற்றது. இப்போட்டியில் டாஸ் வென்ற நியூசிலாந்து அணி பேட்டிங்கை தேர்வு செய்தது. அதன்படி, முதலில் விளையாடிய நியூசிலாந்து அணி 20 ஓவர் முடிவில் 215 ரன்கள் குவித்தது. அதிகபட்சமாக ரச்சன் ரவீந்திர 68 ரன்கள் விளாசினார்.
இதையடுத்து, 216 ரன்கள் எடுத்தால் வெற்றி என்ற இலக்கை நோக்கி ஆஸ்திரேலியா அணி களமிறங்கியது. இதில் தொடக்க வீரராக களம் இறங்கிய டேவிட் வார்னர் 32 ரன்களுக்கு ஆட்டம் இழந்தார். அதன்பிறகு மிட்செல் மார்ஷ் , ஒரு பக்கம் விக்கெட்டுகள் சரிந்தாலும் சிறப்பாக விளையாடி 72 ரன்கள் விளாசினார். இதை அடுத்து வந்த பேட்ஸ்மேன்கள் அதிரடி காட்டியதால் 20 ஓவர் முடிவில் 216 ரன்கள் குவித்தது. இதன் மூலம் 6 விக்கெட் வித்தியாசத்தில் திரில் வெற்றி பெற்ற ஆஸ்திரேலிய அணி 1-0 என்ற கணக்கில் தொடரில் முன்னிலை வைக்கிறது.
