பொழுதுபோக்கு

பாதியிலேயே நிறுத்தப்பட்ட புஷ்பா 2 ஷூட்டிங்? கதையை மாற்ற புது திட்டம்! படக்குழு போட்ட மாஸ்டர் பிளான்!!

May 10, 2022

புஷ்பா 2 படத்தின் கதையை கே ஜி எஃப் 2 ரேஞ்சுக்கு மாற்றி, புதிய கதைக்களத்துடன் இந்த படத்தின் சூட்டிங்கை ஆகஸ்ட் முதல் துவக்க படக்குழு திட்டமிட்டுள்ளதாக தகவல் கிடைத்துள்ளது.

படக்குழு முடிவு:

தெலுங்கு சூப்பர் ஸ்டார் அல்லு அர்ஜுன் நடிப்பில், சுகுமார் இயக்கத்தில் உருவாகி பான் இந்திய மொழிகளில் வெளியான திரைப்படம் புஷ்பா. செம்மரக் கடத்தலை மையமாக வைத்து எடுக்கப்பட்ட இந்த படம், மிகப் பெரிய அளவில் ரீச் ஆனது. இந்த படத்தில், வில்லனாக பகத் பாசில் நடித்து அசத்தியிருந்தார். தற்போது இந்த படத்தின், இரண்டாம் பாகத்தை எடுக்க படக்குழு திட்டமிட்டு இருப்பதாக தகவல் வெளியானது.

இந்த நிலையில், புஷ்பா 2 படத்தின் கதையை, கேஜிஎப் 2 படத்தின் ரேஞ்சுக்கு பிரம்மாண்டமாக மாற்ற படக்குழு முடிவு செய்துள்ளது. இதையடுத்து, மாற்றியமைக்கப்பட்ட காட்சிகளை வைத்து புஷ்பா 2 படத்தின் ஷூட்டிங்கை ஆகஸ்ட் மாதம் துவக்க படக்குழு முடிவெடுத்துள்ளதாக தகவல் கிடைத்துள்ளது. இதையடுத்து, இந்த படத்தின் ரிலீசுக்காக மரண வெயிட் செய்வதாக ரசிகர்கள் கருத்து தெரிவித்து வருகின்றனர்.