மகாராஷ்டிராவை முந்தியது கர்நாடகா !!! – கடந்த 24 மணி நேரத்தில் கொரோனா பாதிப்பு உயர்வு
இந்தியாவின் பல மாநிலங்களில் கொரோனா பாதிப்பு உயர்ந்து வரும் நிலையில் பாதிப்பின் அடிப்படையில் முதலிடத்தில் கர்நாடகா, 2 ம் இடத்தில் மகாராஷ்டிராவும் உள்ளது. கடந்த சில நாட்களாக கர்நாடகாவில் கொரோனா தொற்று பாதித்தோரின் எண்ணிக்கை அதிகரித்த வண்ணம் இருக்கிறது. இதனால் கர்நாடகாவில் உள்ள மக்கள் அச்சத்தில் உள்ளனர்.
முதலிடத்தில் கர்நாடகா :
கர்நாடகாவில் கடந்த 24 மணி நேரத்தில் 39,305 நோய்த்தொற்றுகள் பதிவாகியுள்ளன, மகாராஷ்டிராவில் ஒரு நாளில் 37,236 தொற்று பாதித்தோர் கண்டறியப்பட்டு உள்ளனர். இந்த எண்ணிக்கை சுகாதார ஊழியர்கள், மருத்துவமனை உள்கட்டமைப்பு மற்றும் ஆக்ஸிஜன் கிடைப்பதில் சிக்கலை ஏற்படுத்தியுள்ளது. 120 மெட்ரிக் டன் திரவ மருத்துவ ஆக்ஸிஜனை ஏற்றிக்கொண்டு ஒரு ஆக்ஸிஜன் எக்ஸ்பிரஸ் செவ்வாய்க்கிழமை காலை பெங்களூரின் புறநகரில் உள்ள வைட்ஃபீல்டிற்கு வந்துள்ளது.
3ம் இடத்தில் தமிழகம் :
மாநிலத்தில் உள்ள பல மருத்துவமனைகள் ஆக்ஸிஜன் பற்றாக்குறையுடன் போராடி வருகின்றன, இது மோசமான கோவிட் நோயாளிகளுக்கு சிகிச்சையளிப்பதில் ஒரு முக்கிய அங்கமாகும். மருத்துவமனை படுக்கைகள் தேவை அதிகமாக இருப்பதால், முதலமைச்சர் பி.எஸ். எடியூரப்பா, வீட்டில் சிகிச்சை எடுத்து கொள்ள நோயாளிகளைக் கேட்க வேண்டும் என்று கூறினார். பாதிப்பின் அடிப்படையில் முதலிடத்தில் கர்நாடகா, 2ம் இடத்தில் மகாராஷ்டிராவும் உள்ள நிலையில் 3ம் இடத்தில தமிழகம் உள்ளது குறிப்பிடத்தக்கது.
