96 இரண்டாம் பாகத்தில் மீண்டும் இணையும் விஜய் சேதுபதி – திரிஷா? – இயக்குனர் வெளியிட்ட தகவல்! – EnewZ

February 1, 2022

ரசிகர்களால் பெரிதளவில் விரும்பப்பட்ட 96 திரைப்படத்தின் இரண்டாம் பாகத்தை இயக்க இயக்குனர் பிரேம்குமார் திட்டமிட்டுள்ளார். இரண்டாம் பாகத்திலும் விஜய் சேதுபதி மற்றும் திரிஷாவை நடிக்க வைக்க பேச்சு வார்த்தை நடைபெற்று கொண்டிருக்கிறது.

96 திரைப்படம்:

இயக்குனர் பிரேம்குமார் இயக்கத்தில் உருவான 96 திரைப்படம் மக்களின் மத்தியில் நல்ல வெற்றி பெற்றது. 2018-ம் ஆண்டு அக்டோபர் மாதம் வெளியான இந்த திரைப்படம் நான்கு ஆண்டுகள் ஆகியும் இன்னும் பேசுபொருளாகவே உள்ளது. பத்தாம் வகுப்பு படிக்கும் போது விஜய் சேதுபதிக்கு திரிஷாவுக்கும் இடையே காதல் ஏற்பட்டு, 22 ஆண்டுகளுக்குப் பிறகு மீண்டும் சந்திக்கும் படியான அழகான காதல் காட்சிகளை இந்த படத்தில் படமாக்கியிருப்பர்.

இந்த திரைப்படத்திற்கு பிறகு பல காதல் திரைப்படங்கள் வந்தாலும் 96 திரைப்படத்திற்கு ஈடு கொடுக்க முடியவில்லை. இந்த திரைப்படத்தின் வெற்றியை தொடர்ந்து இயக்குனர் பிரேம்குமார் 96 திரைப்படத்தின் இரண்டாம் பாகத்தை இயக்க திட்டமிட்டு கொண்டிருக்கிறார். இரண்டாம் பாகத்திலும் விஜய் சேதுபதி மற்றும் திரிஷாவை வைத்து படம் இயக்க பேச்சு வார்த்தை நடைபெற்று கொண்டிருக்கிறது என இயக்குனர் தெரிவித்துள்ளார். விரைவில் இந்த திரைப்படத்திற்கான அறிவிப்பு வெளியாகும் என எதிர்பார்க்கப்படுகிறது.