விராட் கோஹ்லி தான் சிறந்த ஒருநாள் பேட்ஸ்மேன் – ஸ்டீவ் ஸ்மித் புகழாரம்!!

0

ஆஸ்திரேலிய அணியின் ரன்-மெஷின் ஸ்டீவ் ஸ்மித், உலக கிரிக்கெட்டில் சிறந்த ஒருநாள் பேட்ஸ்மேன் யார் என்ற கேள்விக்கு விராட் கோஹ்லி தான் என பதில் அளித்துள்ளார். இன்ஸ்டாகிராமில் ரசிகர்களுடன் லைவ் சேட்டின் போது ஸ்மித் இவ்வாறு கூறியுள்ளார்.

ஸ்டீவ் ஸ்மித் – விராட் கோஹ்லி:

இங்கிலாந்து மற்றும் ஆஸ்திரேலியா அணிகள் 3 ஒருநாள் போட்டிகள் கொண்ட தொடரில் விளையாட உள்ளன. ஏற்கனவே நடைபெற்ற டி20 தொடரை 2-1 என்ற கணக்கில் இங்கிலாந்து கைப்பற்றியது. இருப்பினும் ஐசிசி டி20 தரவரிசையில் ஆஸ்திரேலியா அணி தொடர்ந்து முதலிடத்தில் உள்ளது. ஒருநாள் போட்டிகளில் பங்கேற்பதற்காக இங்கிலாந்தில் உள்ள ஸ்மித் ரசிகர்களுடன் இன்ஸ்டாகிராமில் உரையாடினார்.

ENEWZ – சமூக வலைதள பக்கங்களில் சேர கிளிக் பண்ணுங்க!!

அதில் ரசிகர் ஒருவர் தற்போது உலகில் சிறந்த ஒருநாள் பேட்ஸ்மேன் யார்? என கேட்டார். இதற்கு சிறிதும் தயக்கமின்றி விராட் கோஹ்லி தான் என ஸ்மித் பதிலளித்து உள்ளார். ஸ்டீவ் ஸ்மித், விராட் கோஹ்லிக்கு இடையேயான நட்பு நாம் அனைவரும் அறிந்ததே. இந்தியாவிற்கு எதிரான போட்டியின் போது ஸ்மித்தை ரசிகர்கள் கேலி செய்த போது விராட் கோஹ்லி அதனை கண்டித்தது குறிப்பிடத்தக்கது.

இந்திய கேப்டன் விராட் கோஹ்லி தற்போது விளையாடி வரும் கிரிக்கெட் வீரர்களிடையே ஒருநாள் போட்டிகளில் அதிக ரன்கள் அடித்தவர். இவர் 59.34 சராசரி என மொத்தம் 11,867 ரன்கள் எடுத்துள்ளார். இதில் 43 சதங்கள் அடங்கும். அதிக சதங்கள் அடித்த ஜாம்பவான் சச்சின் டெண்டுல்கர் சாதனையை விராட் கோஹ்லி விரைவில் முறியடிப்பார் என வல்லுநர்கள் கூறுகின்றனர்.

கிரிக்கெட்டில் ரீஎன்ட்ரி கொடுக்கும் யுவராஜ் சிங் – ரசிகர்கள் உற்சாகம்!!

ஆஸ்திரேலியாவுக்கு எதிரான தொடர் முடிந்தவுடன் ஐக்கிய அரபு அமீரகம் வரும் ஸ்டீவ் ஸ்மித் ராஜஸ்தான் அணிக்காக விளையாட உள்ளார். இம்முறை பல தடைகளை கடந்து ஐபிஎல் போட்டிகள் நடைபெற உள்ளதால் அதனை ஆவலுடன் எதிர்பார்த்து ரசிகர்கள் காத்திருக்கின்றனர்.

LEAVE A REPLY

Please enter your comment!
Please enter your name here