நாம் அனைவரும் பொது முடக்கத்தில் உள்ளோம், வீட்டில் இருக்கும் குழந்தைகள் நல்ல டேஸ்டியான உணவு இல்லையென்றால் ஸ்னாக்ஸ் வேண்டும் என்றும் அடம்பிடிப்பர். அவர்களுக்கு டேஸ்டியான மற்றும் ஊட்டச்சத்து நிறைந்த ஸ்னாக்ஸ் ரெசிபி ” ராகி அடை” இதோ.. இது செஞ்சு அசத்துங்க!!
தேவையான பொருட்கள்:
- ராகி மாவு – 2 கப்
- வெங்காயம் – 2 ( பொடியாக நறுக்கியது)
- தேங்காய் துருவல் – அரை முடி
- கொத்தமல்லி – அரை கப் ( பொடியாக நறுக்கியது)
- பச்சை மிளகாய் – 2 ( பொடியாக நறுக்கியது)
- உப்பு – தேவையான அளவு
- எண்ணெய் – தேவையான அளவு
- தண்ணீர் – தேவையான அளவு
செய்முறை:
- முதலில், ராகி மாவை எடுத்து கொஞ்சம் கொஞ்சமாக தண்ணீர் ஊற்றி, நன்றாக பிசையவும், கோதுமைமாவு பிசையும் பக்குவத்தில் பிசைந்து, தனியாக எடுத்து வைத்து கொள்ளவும்.
- பின், இந்த மாவில், வெங்காயம், கொத்தமல்லி, பச்சை மிளகாய், தேங்காய் துருவல், உப்பு, இவை எல்லாவற்றையும் சேர்த்து பிசைந்து வைத்து கொள்ளுங்கள்.
- இதனை சிறு சிறு உருண்டைகளாக பிடித்து, தட்டி வைத்து கொள்ளுங்கள்.
- இப்பொது, தோசைக்கல்லை கையைவைத்து, தட்டி வைத்த பொருட்களை போட்டு பொன்னிறமாக எடுத்து விடவும்.
அவ்ளோ தான்… சூடான மற்றும் ஹெல்த்தியான ” ராகி அடை ” ரெடி!!