சொந்த மாமாவின் பாலியல் சீண்டலுக்கு ஆளான பிரபல நடிகை – அவரே வெளியிட்ட திடுக்கிடும் தகவல்!

பிரபல பாலிவுட் நடிகையான குப்ரா சேட் தனது சிறு வயதில் தனது மாமாவால் அனுபவித்த பாலியல் சீண்டல்களை ஒரு புத்தகமாக வெளியிட்டுள்ளார். அந்த புத்தகத்தை படித்த மக்கள் அனைவருமே அதிர்ந்து போயுள்ளனர்.

நடிகை குப்ரா சேட்:

பாலிவுட் மற்றும் வெப் சீரிஸ்களில் வித்தியாசமான கதாபாத்திரங்களில் நடிகை குப்ரா சேட் நடித்து வருகிறார். இவர் தன் வாழ்க்கை கதையை ஓபன் புக் என்கிற ஒரு புத்தகமாக வெளியிட்டுள்ளார். இந்த புத்தகத்தில் குப்ரா சேட், இவருக்கு சிறு வயதில் நடைபெற்ற விஷயங்கள் அனைத்தையும் வெளிப்படையாக கூறியுள்ளார். அதனை படித்த மக்கள் அனைவரும் அதிர்ச்சியடைந்துவிட்டனர்.

அதில் அவர் கூறியுள்ளதாவது, என் மாமா எனக்கு சிறு வயதில் இருந்தே பாலியல் தொந்தரவு கொடுக்க ஆரம்பித்தார். ஆரம்பத்தில் இது பற்றிய விழிப்புணர்வு எனக்கு எதுவுமே கிடையாது. பயமாக இருந்தாலும் மாமா என்பதால் அமைதியாக இருந்துவிட்டேன். நாளடைவில் அடிக்கடி வீட்டிற்கு வர ஆரம்பித்துவிட்டார். அம்மா இருக்கும் போதே எனக்கு கன்னத்தில் முத்தம் கொடுக்க ஆரம்பித்தார். அடிக்கடி இந்த உலகத்திலேயே உன்னை மட்டும் தான் பிடிக்கும் என கூறி முத்தமிடுவார்.

எனக்கு பிடிக்கவில்லை என்று சொல்ல தோன்றினாலும் கூட நான் அமைதியாக இருந்துவிட்டேன். நாளுக்கு நாள் முத்தத்தின் எண்ணிக்கை அதிகமாகிக்கொண்டே சென்றது. எதற்காக இப்படியெல்லாம் செய்கிறார் என்பதை என்னால் அந்த வயதில் புரிந்துகொள்ள முடியவில்லை என சின்ன வயதில் அனுபவித்த பாலியல் துன்புறுத்தலை பற்றி கூறியுள்ளார். இவரின் இந்த கருத்துக்கள் இணையத்தில் ரசிகர்கள் மத்தியில் பேசுபொருளாகி உள்ளது.