பொழுதுபோக்கு

சத்தமே இல்லாமல் நிச்சயதார்த்தை முடித்த பாரதி கண்ணம்மா ஹீரோ அருண் – வெளியான பகீர் தகவல்!!

July 2, 2022

விஜய் தொலைக்காட்சியில் ஒளிபரப்பாகி வரும் பாரதி கண்ணம்மா தொடரில் நடித்து வரும் அருண், ரகசியமாக தனது நிச்சயதார்த்தத்தை முடித்துக் கொண்டதாக தகவல் வெளியாகியுள்ளது.

பிரபலத்திற்கு நிச்சயதார்த்தம்:

விஜய் தொலைக்காட்சியில் ஒளிபரப்பாகி வரும் தொடர்களில் ஒன்று பாரதி கண்ணம்மா. கிட்டத்தட்ட பல எபிசோடுகளை கடந்து ஒளிபரப்பாகி வரும் இந்த தொடர், தொடர்ந்து அதன் சுவாரசியம் குறையாமல் ஒளிபரப்பாகி வருகிறது.

இதில் நடித்து வந்த ரோஷினி இதிலிருந்து விலகியதால், தற்போது வினுஷா என்ற நடிகை கண்ணம்மா பாத்திரத்தில் நடித்து வருகிறார். தொடர்ந்து, பாரதி பாத்திரத்தில் நடித்து வரும் அருண் இந்த சீரியல் விட்டு விலக உள்ளதாக தகவல் வெளியானது.

இதுபோக, இவர் கடந்த சில தினங்களாக ராஜா ராணி 2 சீரியலில் நடித்து வரும் விஜே அர்ச்சனாவை காதலித்து வருவதாகவும் பேசப்பட்டு வருகிறது. தற்போது, இவர்கள் இருவருக்கும் ரகசியமாக, நிச்சயதார்த்தம் நடந்து முடிந்துள்ளதாக தகவல் வெளியாகியுள்ளது. ஆனால், இது எந்த அளவுக்கு உண்மை என்று தெரியவில்லை.