நடிகர் விஜய் நடித்து வரும் லியோ படத்தின் லேட்டஸ்ட் அப்டேட் ஒன்று இணையதளத்தில் வெளியாகி உள்ளது.
லியோ திரைப்படம்
தற்போதைய சினிமா உலகில் ஒட்டுமொத்த ரசிகர்களும் ஆவலுடன் காத்துக் கொண்டிருக்கும் திரைப்படம் என்றால் அது லியோ தான். இப்படத்தை இயக்குனர் லோகேஷ் கனகராஜ் உருவாக்கி வருகிறார். இவர்களது காம்போவில் ஏற்கனவே வெளியான மாஸ்டர் திரைப்படம் வசூல் ரீதியாக சக்க போடு போட்டிருந்தாலும், விமர்சன ரீதியாக சுமாராகத்தான் பெயர் எடுத்தது. அதனால் லியோ படத்தை வேற லெவலில் எடுக்க லோகேஷ் கனகராஜ் முனைப்புடன் இணைந்து வருகிறார்.
டிவிட்டர் : Enewz Tamil ட்விட்டர்
இப்படத்தில் திரிஷா, கௌதம் மேனன், மன்சூர் அலி கான், சஞ்சய் தத், மிஷ்கின் மற்றும் சாண்டி மாஸ்டர் ஆகியோர் முக்கிய கதாபாத்திரத்தில் நடித்து வருகின்றனர். அண்மையில் படத்தின் கிளிம்ஸ் வீடியோ மற்றும் போஸ்டர் வெளியாகி ரசிகர்கள் மத்தியில் அமோக வரவேற்பை பெற்றது. தற்போது இப்படத்தின் ஷூட்டிங் காஷ்மீரில் விறுவிறுப்பாக நடைபெற்று வருகிறது. சமீபத்தில் இயக்குனர் மிஷ்கின் தனது பகுதிகளை முடித்து அவர் சென்னை திரும்பி உள்ளார். அதுமட்டுமின்றி விஜய், லோகேஷ் கனகராஜ் குறித்து புகழ்ந்து பேசியுள்ளார்.
இந்நிலையில் இயக்குனர் கௌதம் மேனன் பகுதிகளும் படமாக்கப்பட்டு விட்டதால் அவர் சென்னை திரும்ப இருப்பதாக சொல்லப்படுகிறது. மேலும் அடுத்த வில்லன் லிஸ்டில் இருக்கும் ஆக்சன் கிங் அர்ஜுன் லியோ படத்தின் படப்பிடிப்பில் இணைய இருப்பதாக கூறப்படுகிறது. லோகேஷின் யுனிவர்சில் உருவாகும் லியோ திரைப்படம் வருகிற அக்டோபர் மாதம் 19ஆம் தேதி வெளியாக இருப்பது குறிப்பிடத்தக்கது.
